Семејна федерација за светски мир и обединување

Активности во Македонија

Оваа страница ќе зборува за активностите на СФСМО и сродните организации, како што е Женска федерација за мир во светот.

Најинтересни активности во оваа година беа:

• Светски фестивал на културата и спортот
  во Сеул
• Божествен ден
  (како го пречекавме новиот Милениум)

За време на првомајските празници (1997...) се одржа семинар на кој беа претставени Обединувачкото движење и Обединувачкиот принцип. Прочитајте неколку впечатоци од учесниците.

Претседателот на Европската Семејна федерација за светски мир, Г-дин Кванг Ки Са, ја посети Македонија како дел од својата Европска турнеја. При тоа одржа говор на тема „Благослов и движење за вистинско семејство“ на 21 март '97 во Хотел Континентал. Присутни беа и претставници од Здружението на жените на Македонија, Хелсиншкиот комитет за човекови права, Здружението на самохрани мајки, Животна искра, еколошко друштво Опстанок и други.

На 23 февруари '97, во Гранд хотел се одржа Прва македонска церемонија на Благослов од Интернационалниот благослов на 3,600,000 двојки. Учествуваа осум брачни двојки. Втората церемонија се одржа на 15 март, а третата на 23 март, и двете во хотел Јадран.

На 11 декември '96, во Салон 19.19 се одржа Свечен основачки собир на Семејната федерација за светски мир, под покровителство на ЖФСМ. Присуствуваа над 200 гости, вклучувајќи го и поглаварот на Македонска православна црква, Неговото Блаженство (сега покојниот) г-дин г-дин Михаил, како и проф. д-р Билјана Перчинкова и други угледни личности.

Воведниот збор го даде г-ѓа Славка Манева, позната писателка за деца. Во културниот дел од програмата настапи хорот Св.Кирил и Методиј, со гостите - Светлана Донковска и Виолета Томовска. По видео проекцијата за животот и работата на основачите, беа прочитани и два нивни говори:

• Вистинските родители и Вистинското семејство
• Во потрага по потеклото на Универзумот